Kitob haqida:  "Ayrimlar tirikligida o‘lik bo‘lur, baʼzilar esa o‘lganida ham tirikdir. Ko‘ngli o‘lik kishining jismi tirik bo‘lsa-da, u o‘lik hisoblanur. Ko‘ngil siridan voqif kishi esa garchi o‘lsa ham, tirikdir. Shu bois o‘lmoq deganlari har doim ham bir xil emas. Bu olamda o‘likday yashaganlar narigi dunyoda tirikday kezib yuradi" dedi Yahyo afandi. Avvalgilar Istanbulning to‘rt nafar ruhoniy muhofizi borligiga ishongan. Ulardan biri Yahyo afandi - o‘lsa-da, vazifasi tugamagan fazilatli zot, dovrug‘i dunyoga taralgan sulton Sulaymon Qonuniyning emikdoshi. "Abadiy ishq istaysizmi? Unda hech qachon o‘lmaydigan Sevgiliga oshiq bo‘ling", degan avvalgilar. Xuddi ana shunday oshiq haqida, bu dunyodan o‘tib ketgan bo‘lsa-da, o‘lmagan Yaxyo afandi to‘g‘risida so‘z yuritmoqchiman. Zero, Yunus Emro aytganidek, oshiqlar o‘lmaydi. O‘lganlar yo‘q bo‘lib ketadi deb o‘ylaysizmi? O‘lmaydigan o‘liklar ham bo‘lsa-chi?